Paulit-ulit na pangakong mag-reresign, maniniwala ka pa ba?

Alam ko marami na naman magagalit sa post ko na ito at mag-unlike sa Facebook page na ito. Inuulit ko, kahit 100 na lang ang natitira sa Facebook page na ito, susulat ako kung ano ang tama para maimulat ang mga taong nabubulagan sa pagiging panatisismo at maging mapagmasid sa mga ginagawa ng opisyal ng pamahalaan upang hindi tayo maabuso.

Ang paulit ulit na pangako ay hindi mo na papaniwalaan kung ito ay hindi naman natutupad. Ilang beses na rin nangako ang pangulo na siya ay magre-resign ngunit kapag natapos na ang tinakdang araw, ito ay nag-eextend.

Matatandaan na nuong eleksyon, nangako ang pangulo na sya ay magreresign sakaling hindi nya matigil ang paglaganap ng drogo sa loob lamang ng 3 hanggang 6 na buwan. Hindi natupad ng pangulo ang kanyang ipinangako na ititigil ang droga at kriminalidad sa loob ng 3 hanggang 6 na buwan. (Read: Duterte vows end criminality in 3 months)

“If elected president, give me about three to six months, I will get rid of corruption, drugs and criminality. If I fail in three months, better leave the country or I will step down ” -President Duterte

Imbes na mag-resign gaya ng kanyang ipinangako nuong sya ay nangampanya, si Pangulong Duterte ay humiling ng 6 na buwan na extension. Sinabi niya na hindi nya inakala na napakarami na ang nalulong sa droga bagamat nuong kampanya paulit ulit nyang sinasabi na may 3 million drug users sa Pilipinas.  (Read: Duterte seeks 6-month extension on war on drugs deadline)

 “Just give me a little extension of maybe another 6 months. I didn’t have any idea that there were hundreds of thousands of people already in the drug business.” - Duterte

Nangako rin ang pangulo na magreresign sakaling may makitang bilyong piso sa kanyang bangko bagamat ayaw naman niyang pumirma ng waiver para mapatunayang wala nga siyang itinatagong yaman. Lusot nga naman at hindi sya mapagreresign kasi hindi mabuksan ang kanyang bangko.

Nito lamang kamakailan, nagsabi na naman ang pangulo sa kanyang talumpati na siya ay bababa sa pwesto kapag hindi niya natanggal ang problema sa droga. (Read: Bababa talaga ako, if I cannot control drugs, then maybe it is time for me to think about resignation.)

“When I see you destroy my country, you not only destroy the young people with drugs but you totally would like to obliterate the Filipino people. I cannot accept.  And if I cannot control drugs, then maybe it is time for me to think about resignation.  Kapag hindi ko kaya ito, bababa talaga ako,” Duterte

Tungkol naman sa pagbabago ng Constitution, nangako na naman ang pangulo na siya ay magreresign kapag napalitan na ang Saligang Batas sa ilalim ng kanyang termino. (Read: Duterte: I’ll resign when Constitution is ‘crafted to improve everything’)

Ano ang punto ng isinusulat ko na ito? Ang punto dito, wag mo pangakuan ang taongbayan kung sa tingin mo ay hindi mo magagawa. Hindi naman kailangan mangako na mag-resign o bumaba sa pwesto para lang gawin ang tamang trabaho sa pamamahala. Kahit abutin pa ng buong termino basta ginagawa ng tama ang trabaho walang problema sa sambayanang Filipino. Sawa na rin naman ang mga Pinoy sa pangako ng mga politicians na hindi tinutupad. Kaya, Mr. President, tama na ang kakasabi na magreresign kayo dahil lumalabas lang na parang walang laman ang inyong pangako. Just do your job, at handa kaming mga Filipino na sumuporta para sa ikabubuti ng bansang Pilipinas.